domingo, 28 de febrero de 2016

Actos día 8 de marzo, Día Internacional das Mulleres.


A Concellería de Igualdade do Concello de Vigo en colaboración co Consello Municipal da Muller, organiza unha serie de actos e actividades no mes de marzo con motivo da conmemoración do "8 de marzo", Día Internacional das Mulleres.

O programa, baixo o lema: "Tempos sen exclusión das mulleres" recolle diversas actividades: proxeccións de documentais, cine infantil, contacontos, recital aberto de poesía, encontro do Consello cos medios de comunicación, actuación musical e entrega do IV Premio de Igualdade "Ernestina Otero" a Dona. Coral del Río Otero.

Todas as actividades, agás o encontro cos medios e a entrega do Premio de Igualdade, son abertos ao público ata completar o aforo dos locais.

O IV Premio de Igualdade "Ernestina Otero" entregarase no transcurso dunha cea no Hotel Coia o venres, 11 de marzo ás 22h. Prezo do menú: 25 €.  As persoas interesadas en asistir deberán realizar a reserva ata o día 9 de marzo contactando por teléfono con Ángeles Arias Tlf. 654401709 ou Elena Rodríguez Tlf. 679151339